ကိုယ့်ဘဝကိုပြောင်းလဲချင်ရင်

လူတွေကထင်တာ ကိုယ့်ကိုကိုယ်ချစ်တယ်ဆိုတာ ကိုယ်ကြိုက်တာစားတာ ကိုယ်လုပ်ချင်တာလုပ်တာ ကိုယ်ဝတ်ချင်တဲ့အဝတ်စားဝယ်ဝတ်တာ ဘယ်သူ့ကိုမှဂရုမစိုက်တော့တာ ဒါတွေကကိုယ့်ကိုကိုယ်ချစ်တဲ့ အပြုမူတွေလို့ထင်နေတယ်။ ကိုယ့်ကိုကိုယ်ပိုဂရုစိုက်လာတာမှန်ပေမဲ့ ကိုယ့်ကိုကိုယ်တကယ်တမ်းချစ်တယ်ဆိုတာက ဒီထက်လေးနက်ပါတယ်။ mirror work တွေလုပ်တာကိုသင်ပြီး မှန်ထောင် ကိုယ့်ကိုကိုယ်ချစ်ပါတယ်လို့ တနေ့ကိုအခေါက်တထောင်ပြောပေမဲ့ ကိုယ့်ကိုကိုယ်မချစ်ခဲ့တဲ့အကြောင်းရင်းကို မသိရင်မရှာဖွေရင် ကိုယ်ကဘာလုပ်ခဲ့လို့ ကိုယ့်ကိုကိုယ်မချစ်ခဲ့တာလဲ၊ ကိုယ်ကဘာပုံထွက်နေတယ်ပြောကြလို့ ကိုယ့်ကိုကိုယ်မချစ်ခဲ့တာလဲ၊ ကိုယ်ကသူများလို စာမကြိုးစားခဲ့လို့လား ကိုယ်ကသူများလောက် မလှခဲ့လို့လား၊ ကိုယ်ကသူများလိုမချမ်းသာခဲ့လို့လား။  ဒါဆိုရင် ဒါတွေက ကလေးတယောက်အနေနဲ့ဆို မသိခဲ့တဲ့အရာတွေပါ၊ သူစာကြိုးစားဖို့လိုတယ်လို့ သူမသိခဲ့ဘူး သူကသူများလောက်မတော်ဘူးလို့ သူမသိခဲ့ဘူး၊ သူကအရာရာပြည့်စုံတယ်လို့ သူ့ကိုယ်သူကျေနပ်ပျော်ရွှင်ခဲ့တာ။ “နင်က အသုံးမကျဘူး၊ နင်ကသိပ်အတာပဲ ဘာမှမလုပ်တတ်ဖူး၊ နင့်ကိုကြီးလာရင် ဘယ်သူအဖက်လုပ်ချင်မှာလဲ။ နင်က သိပ်တကိုယ်ကောင်းဆန်တာပဲ။ နင်က စာမကြိုးစားချင်ဘူး။ နင်သူများခိုင်းတာပဲ လုပ်ရမှာပေါ့။” လူကြီးမိဘတွေပြောတဲ့စကားတွေနဲ့မှပဲ သူကမပြည့်ဝ မလုံလောက်ခဲ့တာ သူကချစ်စရာမကောင်းခဲ့တာ။ ဒါတွေက သူ့အတွက်ကြီးလာတဲ့အခါ negative self-talk တွေပြောဖို့ပါလာတယ်။ ဒီလိုပြောလို့ ကိုယ့်ဘဝ မပြည့်ဝနေတာ မပျော်ရွှင်နေတာကို လူကြီးမိဘတွေကို အပြစ်တင်ဖို့မဟုတ်ဖူး။ ဒီလိုအပြစ်တင်စကားတွေပြောနေရင် ကိုယ်ဒီထဲက ဘယ်တော့မှရုန်းမထွက်နိုင်တော့ဘူး။ အပြစ်တင်စကားတွေက ကိုယ့်ကို မလွတ်မြောက်စေဘူး။ ကိုယ်က ကလေးနေရာမှာပဲအမြဲရှိနေပြီး ကိုယ့်ဘဝကို တာဝန်မယူချင်လို့ ဒီလိုလူကြီးမိဘ ဆရာသမားတွေကို အပြစ်တင်နေမိတာပါ။ ကိုယ့်ပါဝါ ကိုယ့်မှာလုပ်နိုင်စွမ်းတွေအများကြီးရှိပါတယ်။ ကိုယ့်ကို တာဝန်ယူပြီး ကိုယ့်ဘဝကို လွတ်မြောက်ကြောင်းရှာဖွေနိုင်ပါတယ်။ 

သတိရဖို့က တခြားသူတွေရဲ့ ထောက်ခံချက်က သူတို့တန်ဘိုးရှိတယ် လောကလူတွေအများစုလက်ခံတယ်ဆိုတာကို သူ့တို့အတွေးခေါ် သူတို့ယုံကြည်မှုတွေကို အခြေခံပြီး ကိုယ့်ကိုဆက်ဆံနေတာတွေပါ။ အမှန်တကယ် ကိုယ့်တန်ဘိုးနဲ့ ဘာမှမပတ်သတ်ပါဘူး။ ဒါပေမဲ့ ကလေးအရွယ်မှာတော့ ကလေးကသူ့ကို မထောက်ခံရင် သဘောမတူရင် သူကမှားနေတယ် သူ့ကိုယ်သူ သံသယရှိတယ် သူ့ကိုယ်သူ စိတ်ပျက်တယ် သူ့ကိုယ်သူမကြိုက်ဖူး မုန်းတယ်၊ သူက သူများကိုအားကိုးရတယ်၊ သူက သေးသေးလေးပဲရှိသေးတော့ သူ့ဘဝက အခြေနေပေါ်မူတည်ပြီးမှ တန်ဘိုးရှိမှာလိုခံယူသွားတယ်။ ဒါဆို ကျွန်မတို့က ကိုယ့်ကိုကိုယ် အထင်သေးဆက်ဆံတယ်ဆိုရင် ဘဝက ကျွန်မတို့ကြုံသမျှက ကျွန်မတို့ကိုယ့်ကိုကိုယ် အထင်သေးစေမဲ့အခြေနေ ပေးမဲ့လူတွေပဲလာတွေ့ရမယ်။ ကျွန်မတို့က ဒီလိုအဆက်ဆံပဲခံရဖူးတာကိုး။ ကျွန်မတို့ကို ကောင်းကောင်းပြောဆက်ဆံမဲ့သူ မတွေ့ကြုံဖူးဘူးလေ။ ဒါကြောင့် ကျွန်မတို့ ကမ္ဘာကြီးကိုမြင်တဲ့အမြင် ကျွန်မတို့ကိုယ်တိုင် ကိုယ့်ကိုမြင်တဲ့အမြင်တွေက ဒီကလေးဘဝက ကျွန်မတို့အတွင်းစိတ်ပိုင်းဆိုင်ရာ အတွေ့ကြုံတွေကို ပုံသွင်းပေးထားခဲ့တယ်။ ဒီလိုပြောလို့ ကျွန်မတို့မှာ မပျော်ရွှင်သမျှ ကျွန်မတို့ မပြည့်စုံသမျှကို လူကြီးမိဘတွေကို အပြစ်တင်ရမှာမဟုတ်ပါဘူး။ ကျွန်မတို့ ကိုယ့်ကိုကိုယ် ချစ်တယ် တန်ဘိုးထားတယ်ဆိုရင် ဘဝက အံ့သြဖွယ် ပျော်ရွှင်ဖွယ်ရာနဲ့နေနိုင်ပါတယ်။ 

ဒါကြောင့် ကျွန်မတို့ ကိုယ့်အတွင်းက လွတ်မြောက်မှုရဖို့ ပထမဆုံး သတိနဲ့စောင့်ကြည့်ရပါမယ်။ ခေါင်းထဲမှာ ကိုယ့်ကိုကိုယ်ဘာစကားတွေပြောနေသလဲ။ အပြုသဘောမဆောင်တာတွေ သုံးနေတာကြားရင် ကိုယ့်ကိုအစွဲမှာတွေနဲ့ ဖောက်ထွက်မရ ပိတ်မိနေတဲ့စကားတွေပြောနေရင် ကိုယ်အဲ့စကားတွေကို ပြောင်းလဲပြောဆိုနိုင်ပါတယ်။ မကောင်းတဲ့ အပြုသဘောမဆောင်တဲ့ စိတ်ညစ်ညူးစေတာတွေကို တခြားသူတယောက်ဆီကို ထပ်တလဲလဲ မပြောနေပဲကြိုးစားတာပါ။ ကိုယ့်ဘဝမှာ ဒီလိုအပြုသဘောမဆောင်တဲ့ စကားတွေကို ပြောနေတာရဲ့နောက်ကွယ်က ဘာအကြောင်းရှိသလဲ စတာတွေကို အသေးစိတ်ရှာဖွေနိုင်ပါတယ်။ ကျွန်မတို့ သားသမီးတွေကို ကိုယ့်ကိုမချစ်စေမှာတွေကို ဖန်တီးမပေးခင် ကျွန်မတို့က ကိုယ့်ကိုကိုယ်ချစ်စေမဲ့ အပြုမူအပြောတွေကို အတွင်းမှာလုပ်နိုင်အောင် အရင် ပြောင်းလဲကြရပါမယ်။ 

အတိတ်ကသယ်လာတဲ့ အပြုသဘောမဆောင်တဲ့ စကားတွေကို လွှတ်ချပြီး လက်ရှိပစ္စုပ္ပာန်မှာနေမှ အကောင်းဆုံးနည်းနဲ့ ကိုယ့်ကိုကိုယ်ချစ်တာပါ။

Having a big sale, on-site celebrity, or other event? Be sure to announce it so everybody knows and gets excited about it.

Are your customers raving about you on social media? Share their great stories to help turn potential customers into loyal ones.

Running a holiday sale or weekly special? Definitely promote it here to get customers excited about getting a sweet deal.

Have you opened a new location, redesigned your shop, or added a new product or service? Don't keep it to yourself, let folks know.

Customers have questions, you have answers. Display the most frequently asked questions, so everybody benefits.